Улсын заан Б.Пүрэвсайханаас зариг.мн сайт хүлцэл өчиж байна

Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын хүчит бөхийн барилдааны шөвгийн 16-д тунаж үлдсэн бөхчүүдийн гурван бөхөөс нь допинг илэрсэн гэх мэдээллийг манай сайтын зүгээс есдүгээр сарын 10-ны өдөр нийтэлсэн байдаг. 

Тодруулбал энэ жилийн наадмын үзүүр бөх Н.Батсуурь, Б.Пүрэвсайхан нараас допинг илэрсэн байж болзошгүй талаар мэдээлсэн. Энэ мэдээлэлд улсын заан Б.Пүрэвсайхан бус улсын арслан  Р.Пүрэвдагва нарын гурван бөхөөс допингийн төрлийн бодис илэрсэн байж болзошгүй талаар дөрвөн цагийн дараа залруулан бичсэн байдаг.

Тухайн үед залруулан нийтэлсэн мэдээлэл https://zarig.mn/m9x

"Н.Батсуурь, Б.Пүрэвсайхан нарын гурван бөхөөс допинг илэрчээ" гэх гарчиг бүхий мэдээллээрээ Улсын заан Б.Пүрэвсайханы нэр хүндэд халдаж, алдаа гаргасандаа зариг.мн сайтын зүгээс хүлцэл өчиж байна.