Цагдаа, Тагнуулын дарга нар гүйцэтгэх ажлын зардлаар сэтгүүлчдийг санхүүжүүлдэг

Тагнуулын ерөнхий газрын удирдлагууд гүйцэтгэх ажлын зардлаас  зарим сэтгүүлчдийг санхүүжүүлдэг, мөнгө өгсөн сэтгүүлчдээрээ бусдыг гүтгүүлдэг гэж Хуульзүй,  дотоод хэргийн сайд Х.Нямбаатар мэдэгдсэн. Тэгвэл Хуульзүйн сайдаар ажилласан байсан Х.Тэмүүжин өмнө нь Цагдаагийн Ерөнхий газрын дарга нар мөн л гүйцэтгэх ажлын зардлаас мэдээллийн сайт ажиллуулж, тодорхой сэтгүүлчдийг  санхүүжүүлдэг байсан талаар мэдээлжээ. Энэ бүхнээс харахад Цагдаа, Тагнуулын байгууллагын удирдлагууд төсвийн мөнгийг зориулалтын бусаар зарцуулж,  сэтгүүлчдэд нөлөөлж, хууль бус үйлдлийг тэднээр хийлгэдэг байх магадлалтай байна.