Завхан аймагт 38 настай эрэгтэй тарваган тахлаар өвчилсөн нь батлагдаж 25 хүнийг тусгаарлажээ

Завхан аймгийн Тосонцэнгэл суманд  38 настай эрэгтэй тарваган тахлын халдвар авч хоёрдогч уушгины хэлбэрээр хүндэрсэн болох нь молекул генетикийн шинжилгээгээр батлагджээ. Өвчтөний биeийн байдал муу байгаа юм байна. Ойрын хавьтлын 25 иргэнийг тусгаарлаж эхний шатны эмчилгээ хийж байгаа бөгөөд өвчтөнтэй харьцсан нийт 561 иргэний судалгааг гаргаж холбогдох арга хэмжээг авчээ. Тосонцэнгэл сумаас гарах, орох тээврийн хэрэгслийн хөдөлгөөний хязгаарлалт хэвээр үргэлжилж байгаа талаар аймгийн хэвлэл мэдээллийн албанаас мэдээллээ.