Кашмирт Энэтхэг цэргүүд их бууны дайралтад өртжээ

Энэтхэгийн Жамму ба Кашмир холбооны газар нутаг дах цэргийн байршил руу Пакистаны талаас их буугаар буудах үеэр Энэтхэгийн армийн офицер амиа алдсан тухай “The Pioneer” сонин мэдээлжээ. Кашмир нутгийг Энэтхэг ба Пакистаны мэдлийн бүс болгон зааглаж байдаг Кери сектор дах хяналтын шугамын цаанаас Пакистаны арми гал зогсоох тохиролцоог зөрчин их буугаар буудсан нь ийм үр дагаварт хүргэжээ. Сүүлийн дөрөв хоногийн дотор Пакистан нь хоёр дах удаагаа Кашмир дах Энэтхэгийн цэргийн байрлал руу гал нээсэн нь энэ аж.