АНУ-аас 254 иргэн эх орондоо ирнэ

Улсын Онцгой комиссын шийдвэрийн дагуу наймдугаар сард 17 удаагийн нислэг үйлдэж, гадаадад байгаа иргэдээ татан авахаар төлөвлөсөн. Үүний дагуу АНУ-Улаанбаатар чиглэлийн тусгай үүргийн онгоц наймдугаар сарын 30-ны 23:52 цагт Улаанбаатараас хөөрсөн. Тусгай үүргийн онгоц есдүгээр сарын 02-ны 14:10 цагт “Буянт-Ухаа” олон улсын нисэх буудалд газардах хуваарьтай байна.

Тус онгоцоор 254 хүн иргэн эх орондоо ирэх юм. Үүнд бага насны хүүхэдтэй гэр бүл 40, өндөр настан 54, жирэмсэн эмэгтэй зургаа, эрүүл мэндийн шалтгаантай 74, бусад шалтгаантай 80 иргэн багтжээ. Иргэдийг “Ивээлэн”, “Энхсаран” сувилал, “Тулгат” амралтын газар “White house” буудалд тусгаарлана гэж УОК-ны шуурхай штабаас мэдээллээ.