АТҮТ-ийн тасгийн дарга Ч.Болор, ахлах мэргэжилтэн Г.Эрдэнэбулаг нарыг АТГ-аас саатуулжээ

АТҮТ-ийн бүртгэлийн тасгийн дарга Ч.Болор, АТҮТ-ийн  Архивын лавлагааны тасгийн ахлах мэргэжилтэн Г.Эрдэнэбулаг нарыг АТГ-аас саатуулсан бололтой. Тодруулбал АТҮТ-ийн бүртгэлийн тасгийн дарга Ч.Болор, ахлах мэргэжилтэн Г.Эрдэнэбулаг нарыг удаа дараа авилга авсан байж болзошгүй гэх үндэслэлээр АТГ-аас гүйцэтгэх ажиллагаа явуулж ажлынх нь байрнаас хорих 461 дүгээр ангид саатуулсан талаар эх сурвалжууд мэдээлж байна.

АТҮТ-ийн бүртгэлийн тасгийн дарга Ч.Болор нь "Харш" хамтлагийн ахлагч бөгөөд тус хамтлагийг нэгэн үе шимтэн сонсдог байсан үзэгч, сонсогчид андахгүй.

 Архивын лавлагааны тасгийн ахлах мэргэжилтэн Г.Эрдэнэбулаг нь өмнө нь улсын хилээр түр горимоор орж ирсэн тээврийн хэрэгслийг гаалийн байгууллагад мэдүүлээгүй байхад нь буцаан гаргалгүй, улсын бүртгэлд бүртгэж дугаар олгон гаалийн болон онцгой, нэмэгдсэн өртгийн албан татвараас зайлсхийх боломж бүрдүүлж, мөнгө угаасан байж болзошгүй хэрэгт холбогдож байжээ.