УИХ дахь АН-ын бүлгийнхэн хоригдож байгаа намын гишүүдээ эргэжээ

Н.Мижидмаа

2020/09/01

АН-ын гишүүн С.Баярцогт, Д.Эрдэнэбат, Д.Ганболд, Б.Бямбасайхан, Б.Болор нар анхан шатны шүүхээс хорих ял авч хорих 409 дүгээр ангид хоригдож байгаа билээ. Тэгвэл УИХ дахь АН-ын бүлгийнхэн, Ардчилсан намын Даргын үүрэг гүйцэтгэгч Ц.Туваан, УИХ-ын дэд дарга С.Одонтуяа, УИХ дахь Ардчилсан намын бүлгийн дарга Д.Ганбат нар хоригдож буй намын гишүүдээ эргэжээ.

Эргэн сануулахад Нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс Оюутолгой төсөлтэй холбогдуулж Сангийн сайд асан С.Баярцогтод 10 жилийн хорих ял, Б.Бямбасайхан, Д.Ганболд нарт тус бүр 4 жилийн хорих ял оноосон.

Нийслэлийн прокурорын газраас шүүгдэгч Д.Эрдэнэбат, Б.Болор нарт Эрүүгийн хуулийн тусгай ангийн 22.1 дүгээр зүйлийн 1 дэх хэсэгт заасан “Эрх мэдэл албан тушаалын байдлаа урвуулан ашиглах” гэмт хэрэг үйлдсэн гэм буруутайд тус тус тооцож Д.Эрдэнэбатад нийтийн албанд томилогдох эрхийг 5 жилийн хугацаагаар хасаж 4 жил 6 сарын хугацаагаар шүүгдэгч Б.Болорт нийтийн албанд томилогдох эрхийг 4 жилийн хугацаагаар хасаж 3 жил 6 сарын хугацаагаар тус тус хорих ял оногдуулж, шүүгдэгч нарт оногдуулсан тус бүрийн хорих ялыг нээлттэй хорих байгууллагад эдлүүлэхээр шийдвэрлэсэн.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ