ДЭМБ улс орнууд хөл хориог цуцалж хилээ нээж байгааг дэмжсэн байна

Дэлхийн эрүүл мэндийн байгууллага нь улс орнууд хөл хориог халж хилээ нээж байгааг дэмжиж байгаа тухай тус байгууллагын Ерөнхий захирал ТедросАдханомГебрейесус өчигдөр хэвлэлийн хурал дээр мэдэгджээ. Гэхдээ хилээ нээхдээ урьдчилан сэргийлэх арга хэмжээ заавал авах шаардлагатай гэдгийг ДЭМБ-ын захирал онцолжээ.

Тэрээр “Эдийн засан ба олон нийтийн нээх хүчин чармайлтыг ДЭМБ бүрэн дэмжиж байна. Бид хүүхдүүд сургуульдаа, хүмүүс ажлын байрандаа эргэн очихыг харахыг хүсэж байна. Гэхдээ энэ бүхэн аюулгүй байдалд явагдаж байгааг харахыг хүсэж байна. Улс орнууд вирусийг хэдий чинээ их хянана тэр хэмжээгээр нээлттэй байж болно. Хяналтгүйгээр хилээ нээнэ гэдэг нь сүйрэлд хүрэх жор” гэжээ.

Иймд улс орнууд хилээ нээхтэйгээ зэрэгцэн дөрвөн үндсэн шаардлагыг биелүүлэх ёстой гэжээ. Юуны өмнө вирус олон хүнийг хамарч тархах боломжийг хязгаарлах. Шөнийн клуб, шашны хурал ном, цэнгэлдэх хүрээлэн зэрэг хүн олноор цугладаг арга хэмжээний үеэр эрчимтэй тархдаг. Хоёрдугаарт, эндэгдлийг багасгах үүднээс вирус тархсан нөхцөлд хамгийн эмзэг бүлгийн хүмүүсийг хамгаалах. Гуравдугаарт, хүн бүр амны хаалт зүүх, аюулгүйн зай барих, гараа угаах зэргээр олон нийтийн аюулгүй байдлыг хангахад тус бүрийн хувь нэмэр оруулж байх. Дөрөвдүгээрт, эрх баригчид өвдсөн хүмүүсийг илрүүлэх, шинжилгээ авах ба эмчлэх, тусгаарлах ба хавьтлуудыг тодруулах арга хэмжээг авч байх ёстой гэсэн байна.