Беларусын Ерөнхийлөгчийн эсрэг хориг арга хэмжээ авчээ

Латви, Литва, Эстони гэсэн гурван улсын Беларусын 30 иргэний эсрэг хориг арга хэмжээ авч өөрсдийн газар нутагт орж ирэхийг хориглосон байна. Эдгээрийн дунд Ерөнхийлөгч Александр Лукашенко, түүний хүү Виктор багтсан байна.

Беларусын Ерөнхийлөгч Лукашенког өөрийн улсад болсон Ерөнхийлөгчийн сонгуулийн үр дүнг өөрчилсөн, үүнийг нь эсэргүүцсэн жагсаал цуглаанд оролцогчдын эсрэг хүч хэрэглэсэн учраас ийнхүү хориг арга хэмжээ авсан юм байна. Беларус нь Европтой хийдэг худалдаагаа энэ гурван улсын тэнгисийн боомт хотуудаар дамжуулан хийдэг тул хориг арга хэмжээ нь Беларусын эдийн засгийн хувьд ихээхэн таагүй үр дагавартай байх болно гэж шинжээчид үзжээ.