Дональд Трамп гарын үсгээ зурсан фото зургаа дуудлагаар зарж баяжихыг зөвлөжээ

АНУ-ын Ерөнхийлөгч ДональдТрамп “Лаура” хар салхины учруулсан хохирлыг арилгах талаар дугуй ширээний яриа өрнүүлсний дараа онцгой байдлын албаны ажилтнуудад өөрийн газар үсэг бүхий фото зургаа тараан өгөөд, зургуудын зарж баяжихыг зөвлөсөн тухай “Daily Beast” мэдээлсэн байна.

Трамп албан хүмүүст зургаа тарааж өгсний дараа нэг хүнд хандан “Май, үүнийг ав. Өнөө орой eBay-р орой зараарай. Тэгвэл 10 мянган доллар олно. Хэрэв дээр нь нэрийг чинь бичвэл үнэ хүрэхээ байчихна. Тэгэхээр өнөө орой eBay-ээр зарчих” гэж хэлсэн байна.

Үүнтэй зэрэгцээд ДональдТрамп нь Америкийн нөмрөөд байгаа эсэргүүцлийн хөдөлгөөнийг далимдуулсан хүчирхийлэл, дээрэм тонуулыг зогсоох цорын ганц аргыг нэрлэсэн байна. Тэрээр “Twitter” хуудсан дээрээ “Ардчилсан намынхан удирдаж байгаа гэмт хэргийн түвшин өндөртэй хотууд дах хүчирхийллийг зогсоох цор ганц арга бол хүч” гэж бичжээ. Мөн эсэргүүцэл хамгийн их газар авч, хамгийн удаан үргэлжилж буй хот болох Портленд хотын мэр, Ардчилсан намаас сонгогдсон ТедУидерыг “хотоо сөнөж, асар ихээр сүйдэж буйг ажиглан юу ч хийхгүй байгаа хэт зүүний, юу ч мэддэггүй” гэж тодорхойлсон байна. Үүний хариуд Ардчилсан намынхан Трампыг Америкийн нийгэмд хүчирхийлэл, үзэн ядалтыг дэвэргэж байна гэж буруутгажээ.