Германд нүүрсний уурхайг томруулахыг эсэргүүцсэн хүмүүс жагсаал хийжээ

Германд байгаль хамгаалах хөдөлгөөний идэвхтнүүд нүүрсний ил уурхайг талбайг томсгох гэж байгаа эсэргүүцсэн арга хэмжээ зохион байгуулсан тухай “Deutcshewelle”мэдээлсэн байна. Арга хэмжээний үеэр 3000 орчим хүн уурхайг томсгох явцад устгалд оруулах тосгоныг хүрээлэн амьд тойрог байгуулсан байна.

Жагсаалын үеэр зарим идэвхтнүүд уурхайн экскаваторын шанаган дээр авирч гарсны дараа цагдаа нар тэдний эсрэг арга буюу хүч хэрэглэсэн гэж байна. Үүний хариуд жагсагчид уурхайн аюулгүйн албаны ажилтнуудыг хүч хэрэглэсэн гэж буруутгасан байна.

Германы холбооны Засгийн газар ба орон нутгийн засгийн газрын хооронд хүрсэн тохиролцооны хүрээнд уурхай нь олборлолтынхоо талбайг тэлэх зорилгоор ойролцоох тосгодыг татан буулгахаар болсон аж. Ийнхүү уурхай нь ашиглалтын талбайгаа тэлж байгаа ч төлөвлөгөө ёсоор Герман улс нь 2038 он гэхэд хүрэн ба чулуун нүүрсийг ашиглахаас бүрэн мөсөн татгалзах юм. Гэвч энэ салбарт олон мянган хүн ажилладаг тул бүрэн татгалзах явц нэлээд удаашралтай байна гэж шүүмжлүүлж байгаа аж.

Төлөвлөгөөний дагуу 2038 он гэхэд чулуун ба хүрэн нүүрсний олборлолтыг бүрэн зогсоож, нөөц бүхий уурхайнуудыг орхисны төлөө  нүүрс олборлогч компаниуд болон орон нутгийн удирдлагууд нь төв Засгийн газраасаа 70 тэрбум еврогийн нөхөн олговор шаардаад байгаа гэж “Deutcshewelle” мэдээлсэн байна. Энэ бол нүүрсний салбар ажиллаж байгаа нэг хүний ажлын байрыг 3,5 сая еврогоор үнэлсэн хэрэг аж.

Ташрамд сонирхуулахад Германд олборлолт дууссан уурхайнуудыг усаар дүүргэн хоорондоо холбоотой цэвэр устай олон нуур бүхий сүлжээ бүхий амралтын газрууд байгуулдаг юм байна.