"Баруун бүсийн байгаль орчныг хамгаалах, агаар, хөрсний бохирдлыг бууруулах" лобби бүлэг байгууллаа

УИХ-ын гишүүн Б.Саранчимэг, Ц.Цэрэнпунцаг, Ш.Раднаасэд, Б.Бейсен, Ш.Адьшаа нар нэгдэж баруун бүс нутгийн агаар, орчны бохирдлыг бууруулах лобби бүлэг байгуулжээ.

Агаарын бохирдлын асуудлыг зөвхөн нийслэлийн асуудал мэт хандаж ирсэн. Гэтэл сүүлийн жилүүдэд аймгийн төвүүдийн агаарын бохирдол эрс нэмэгдэж Улаанбаатар хоттой адил түвшинд очсоныг тэд хэлж байна. Уг зорилгынхоо хүрээнд Ховд аймгийн Хөшөөтийн нүүрсний уурхайг түшиглэн сайжруулсан утаагүй түлшний үйлдвэр байгуулах санаачилга гарган Монгол Улсыг 2021-2025 онд хөгжүүлэх үндсэн чиглэлд оруулж УИХ-ын чуулганаар хэлэлцэж байгаа гэлээ.

Бүлгийн хүрээнд баруун бүсийн агаар, хөрсний бохирдлыг бууруулах, байгаль орчныг хамгаалах, орон нутгийн иргэдийн аюулгүй байдлыг хангахад чиглэсэн тодрхой ажлуудыг хийхээр төлөвлөж байгаа аж.