Уучлаарай УИХ-ын гишүүдээ маскаа зүүнэ үү?

Дэлхий даяар коронавирусийн халдвараар 23 сая хүн халдварлаж, 815 мянган нас баралт бүртгэгдээд байна. Манай улсад өнөөдрийн /2020.08.27/ байдлаар коронавирусийн батлагдсан 301 тохиолдол бүртгэгдээд байгаа юм. Коронавирусийн халдвартай холбогдуулан улс орон даяар өндөржүүлсэн бэлэн байдлын зэрэгт шилжээд хагас жилийн хугацааг үджээ. Эрүүл мэндийн яамнаас иргэдээ өдөр бүр амны хаалтаа тогтмол зүүхийг зөвлөж, цар тахлаас урьдчилан сэргийлэхийг анхааруулсаар байгаа билээ. Амны хаалт зориудаар зүүхгүй байгаа иргэдийг хүний эрүүл мэндэд санаатай хохирол учруулсан үндэслэлээр гэмт хэрэг хийсэнд тооцож, 150 мянган төгрөгөөр торгох арга хэмжээг авна гэдгийг ч анхааруулдаг. Харин төрийн ордонд УИХ-ын гишүүд амны хаалтаа зүүж, халдвараас сэргийлж байгаа эсэхийг сурвалжиллаа.