Өвөрхангай аймагт тарваган тахлын сэжигтэй тохиолдол бүртгэгджээ

ЭМЯ-ны ээлжит хэвлэлийн бага хурлын үеэр тус яамны хэлтсийн дарга Д.Нарангэрэл Өвөрхангай аймагт тарваган тахлын сэжигтэй тохиолдол бүртгэгдсэн талаар мэдээллээ.  Тэрээр "Өнөө өглөө Өвөрхангай аймгийн бүсийн оношилгоо эмчилгээний төвд тарваган тахлын гэдэсний хэлбэр гэсэн оноштойгоор гурван хүн хэвтсэн. Тухайн гурван хүн нэг гэр бүлийнхэн /ээж хоёр хүүхдийн хамт/ бөгөөд энэ сарын 17-18-нд Өвөрхангай аймгийн Богд суманд байхдаа тарваганы мах идсэн гэсэн өгүүлэмжтэй бөөлжиж, суулгах шинж тэмдэгтэй байна. Эхний ээлжинд хурдавчилсан оношлуураар шинжлэхэд ээжийнх нь шинжилгээнд тарваган тахлын нян илэрсэн" гэв.