Ц.Ганзориг: Нийслэлийн хэмжээнд сургууль, цэцэрлэг есдүгээр сарын 21-нээс хэвийн горимд шилжихээр бэлтгэлээ хангаж байна​

Засгийн газрын хэвлэл мэдээллийн албаны дарга Ц.Ганзориг: 09-р сарын 01-нээс ЕБС-иуд, цэцэрлэгүүд 3 өдөр танхимаар, 2 өдөр теле, онлайнаар орно. Ингэхдээ жишээ нь 50 хүүхэдтэй анги 2 бүлэг болж хуваагдан ангийн нягтралыг саармагжуулна. Өөрөөр хэлбэр багш нар өдөр бүр ажиллана. 

Есдүгээр сарын 14-нөөс аймгуудын сургууль, цэцэрлэгүүд хэвийн горимоор буюу өдөр бүр танхимаар хичээллэх бол нийслэлийн хэмжээнд есдүгээр сарын 21-нээс хэвийн горимд шилжихээр бэлтгэлээ хангаж байна. Өндөржүүлсэн бэлэн байдлын зэрэглэлийг есдүгээр сарын 15-ныг хүртэл сунгасан бөгөөд энэ нь хилээр нэвтрэх хөдөлгөөнийг хязгаарлах үндэслэл, халдвар тархахаас урьдчилан сэргийлж байгаа хууль зүйн үндэслэл болж байна. Цаашид соёл урлаг, спортын арга хэмжээдийн талаар мөн и-спортын төвүүдийг нээх талаар ажиллаж байна.