БОАЖЯ: Сөгнөгөрийн амнаас унасан мод цэвэрлэх нэрээр нойтон мод тайрсан нь тогтоогдсон

Ойн цэвэрлэгээ нэрээр ой модыг хядаж байгаа талаарх нутгийн иргэдийн мэдээллийн мөрөөр Зариг.мн сайтын сурвалжлагч Н.Өнөрцэцэг, Э.Сугарсүрэн нар нутгийн иргэдийн хамт Төв аймгийн Батсүмбэр сумын Сөгнөгөрийн аманд 2020 оны наймдугаар сарын 19-нд ажилсан билээ. 

Бидний сурвалжилсан мэдээллийн мөрөөр  холбогдох газруудаас шалгалтын ажиллагаа явуулж эхний байдлаар Сөгнөгөрийн амнаас унасан мод цэвэрлэх нэрээр нойтон мод тайрсан нь тогтоогджээ.

Мөн  энэ талаар Д.Сарангэрэл сайд  чуулганы нэгдсэн хуралдаанаар Сөгнөгөрийн амны талаар мэдээлэл өглөө. Тэрээр  "Энэ оны 6 дугаар сарын 19-нд болсон салхины улмаас ургаа мод унасан. Ойг цэвэрлэх зөвшөөрлийг Батсүмбэр сумын удирдлага 3 компанид өгсөн боловч харамсалтай нь унасан мод цэвэрлэхдээ ургаа мод тайрсан болох нь хяналт шалгалтын явцад тогтоогдож байна. Шалгалтын ажил үргэлжлэн хийгдэж байгаа.” гэж хэллээ.