ТЕГ-ын хурандаа нарын архидан согтуурч зодолдож буй бичлэг бодит эсэх нь эргэлзээтэй гэж үзэн зодоон хийсэн хурандаа ажилдаа орохоор болжээ

Зариг.мн сайт 2020.03.29-ний өдөр “ТЕГ-ын хурандаа нар архидан согтуурч иргэний биед халдсан” асуудлыг дүрс бичлэгийн хамт гарган тавьж байсан. Энэ асуудлын хүрээнд холбогдох хууль хяналтын байгууллага нь шалгах ажлыг хэрэгжүүлэн иргэн “Г”-ийн биед гэмтэл учруулсан асуудал дээр цагдаагийн байгууллага хэрэг үүсгэн шалгаж байсан бол ажлын цагаар архидан согтуурч ёс зүйн алдаа гаргасан ТЕГ-ын хэлтсийн дарга Д.Даваанямыг албанаас нь халж арга хэмжээ авсан талаар нь манай сайт мөн мэдээлж байсан. 

Энэ удаа манай сайтын зүгээс дээрх асуудлын талаар эргэн хөндөх гэж байна. 

Учир юу вэ гэвэл, манай сайтад ирсэн мэдээллээр хурандаа Д.Даваанямыг шалгаж байсан ажлыг Нийслэлийн прокурорын байгууллагаас зогсоож хэргийг хаасан болохыг түүний өмгөөлөгчид албан ёсоор албан бичгээр мэдэгдсэн байх юм. Чингэхдээ олон нийтийн сүлжээгээр цацагдсан зодооны бичлэг нь хавтаст хэрэгт тусгагдаагүй, цахим сүлжээнд байгаа бичлэг нь бодит эсэх нь эргэлзээтэй тул нотлох баримтын хэмжээнд үнэлэхгүй гэсэн үндэслэлийг гаргажээ. Ингээд зогсохгүй ёс зүйн хариуцлага хүлээж албанаас халагдсан хурандаа Д.Даваанямыг эргүүлэн ажилд нь авахыг даалгасан байх юм.
Хууль ёсыг тогтооход хяналт тавих үүрэг бүхий прокурорын байгууллага юу болж байнаа. Энэ асуудлыг дээд шатны прокурорууд болон улсын ерөнхий прокурор Б.Жаргалсайхан та мэдэж байгаа юу.
Бид тун удахгүй Нийслэлийн прокуророос хэргийг хаасан тухай албан бичгийг олон нийтэд дэлгэн тавих болно.