​Америкийн Ардчилсан намын серверийг эвдэх тушаалыг Путин өгсөн гэжээ

АНУ-ын Сенатын Тагнуулын асуудал хариуцсан хороо 2016 оны Ерөнхийлөгчийн сонгууль дах Оросын оролцоо гэгчийн талаар хийсэн мөрдлөгийн сүүлчийн, тав дах хэсгийг олон нийтэд танилцуулжээ. Тус илтгэлд 2016 онд Америкийн Ардчилсан намын серверийг эвдэн нэвтрэх тушаалыг Владимир Путин биечлэн өгсөн гэж мэдэгдсэн байна. Улмаар ОХУ –ын Засгийн газар нь хамгийн багадаа 2014-2017 оны хооронд АНУ-ын сонгуулийн дэд бүтцийн эсрэг чиглэсэн өргөн хүрээтэй үйл ажиллагааг явуулж байсан гэжээ. Гэхдээ тухайн үеийн нэр дэвшигч Дональд Трамп ба түүний сонгуулийн штабыг Оросын Засгийн газартай хуйвалдсан гэх ямар нэг нотолгоо илрүүлээгүй гэдгийг тус хорооны тэргүүн Марк Рубио онцолжээ. ОХУ нь Америкийн Ерөнхийлөгчийн болон бусад сонгуульд нөлөөлөх ямар нэг оролдлого хийж байгаагүй гэж мэдэгддэг бөгөөд Америкийн Конгрессын энэ мэт сүр дуулиантай мөрдлөг, мэдэгдлийг дотоодын улс төрийн тэмцэлтэй холбон тайлбарласаар ирсэн.