“Тэнгэрийн энерги бясалгалын төв” орчмоос алга болсон иргэн О-г 19 хоног хайж байна

"Тэнгэрийн энерги бясалгалын төв” орчмоос Хан-Уул дүүргийн харьяат, иргэн О сураггүй 19 хоног хонож байна. 

Тодруулбал Нийслэлийн Налайх дүүргийн 6 дугаар хороо, “Тэнгэрийн энерги бясалгалын төв” орчмоос Хан-Уул дүүргийн харьяат, иргэн О сураггүй болсон дуудлагыг 07.31-ний өдрийн  22:35 цагт хүлээн авсан.

Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид, ар гэрийнхний хамт 08.18-ны өдрийн 09:00 цагаас эхлэн тус дүүргийн 1 дүгээр хорооны “Баянцагааны даваа” гэдэг газраас “Баянзүрх хайрханы хавцал”, “Горхи тэрэлж”, “Шинэ гүүр”, Тэнгэрийн энерги” амралтын газар, “Таван салааны гарам”, “Бүдүүн чулууны гарам” гэдэг газар хүртэл нийт 20 км-т “Туул” голын усаар завьтай урсаж, 5 удаагийн шумбалт хийжээ.

 Мөн 40 км-т явганаар эрэн хайх ажиллагааг зохион байгуулсан боловч үр дүнд хүрээгүй улмаас түр зогсоосон юм.

Эрэн хайх ажиллагааг  өнөөдөр  09:00 цагт дахин эхлүүлсэн байна.