Үндсэн хуулийн 6.2 заалтын талаар юу хэлэв

Олон нийтийн сүлжээнд Үндсэн хуулийн 6.2 заалтын тухай сүүлийн өдрүүдэд ихээхэн  шуугиан тариад байгаа билээ. Энэ заалтын талаар  ХЗДХ-ийн сайд Х.Нямбаатар , ХЗДХ-ийн орон тооны зөвлөх, академич С.Нарангэрэл нар тайлбарлав.

ХЗДХ-ийн сайд Х.Нямбаатар 

Монгол Улсын Үндсэн хуульд нэмэлт, өөрчлөлт оруулах ажил сүүлийн 20 орчим жил яригдаж, өнгөрсөн жил олон түмний хэлэлцүүлэг дунд, УИХ-аар урт хугацаанд хэлэлцэж байж баталсан.  Тухайн үед Монгол Улсын Ерөнхийлөгчийн Тамгын газрын даргаар ажиллаж байсан З.Энхболд зөвшилцлийн ажлын хэсэгт оролцож, 6.2-т уг томъёоллыг оруулж ирсэн. Төрийн нийтийн өмч гэдгийг агуулга нь баялаг бол төрийн нийтийн өмч буюу ард түмний өмч гэж байгаа. Үндсэн хуулийн өөрчлөлтийн энэ агуулгаар лицензийг нэг агентлаг олгохоо больж, төр өөрөө мэдэж шийдэх ёстой, магадгүй лицензийг УИХ, Засгийн газрын түвшинд олгодог болъё гэж байгаа юм. 

ХЗДХ-ийн орон тооны зөвлөх, академич С.Нарангэрэл 

Төр гэдэг нь хоёрдугаар утгаараа УЛС гэж явдаг. Тэгэхээр төрийн нийтийн өмч гэдэг нь бүх ард түмний хөрөнгө, улсын өмч гэдэг утгаар Ерөнхийлөгч санаачилж, УИХ баталсан. Үүнд эх орноосоо урван тэрслэх, улс орныхоо тусгаар тогтнол, аюулгүй байдалд өчүүхэн ч нөлөөлөх зүйл байхгүй гэдгийг би эрдэмтэн, судлаач, туршлагатай хуульчийн хувьд нийтэд хандан хэлмээр байна"