Трамп “Alibaba”-ийн эсрэг хориг арга хэмжээ авч магадгүй

АНУ-ын Ерөнхийлөгч Трамп нь “tiktok”-ийг эзэмшдэг “bytedance” компанийг Америкийн зах зээлээс шахан гаргасны дараагаар Хятадын бусад компаниудын эсрэг мөн адил арга хэмжээ авч магадгүй тухайгаа мэдэгджээ. Тэрээр Цагаан ордны Twitter-ээр хийгдсэн хэвлэлийн бага хурлын үеэр “Alibaba” корпорацын эсрэг хориг арга хэмжээ авах эсэх тухай асуултад хариулахдаа “Тийм. Бид бусад хувилбаруудыг ч судалж байгаа” гэж хариулжээ. Цаашлаад Трамп Хятадын “Huawei” компанийн талаар авсан хязгаарлах арга хэмжээний талаар сануулаад “Huawei ийшээ ирэхгүй” гэжээ.

Трамп нь “bytedance” компанийг АНУ дах бүх активаа гурван сарын дотор Америкийн компанид худалдах, өмнө нь цуглуулаад байсан хэрэглэгчдийн бүх хувийн мэдээллийг устгахыг даалгасан баримтад гарын үсэг зураад байсан юм. Мөн энэ баримтын дагуу “bytedance” компанийг “musical.ly” хөгжмийн сервисийг худалдан авах, охин компани болон Хятадын өөр хувьцаа эзэмшигчид ба холбоотой этгээдүүдээр дамжуулан энэ сервисийн дурын активыг эзэмшихийг хориглосон байна.

“Alibaba” нь электрон арилжаа ба тоон төлбөрийн салбар дах дэлхийн хамгийн том компаниудын нэг. Энэ корпорац нь “Alibaba Pictures”, “Alibaba.com”, “aliexpress.com”, “Taobao.com”, “Tmall.com” зэрэг компаниудыг эзэмшдэг.