НАТО Беларуст өрнөж байгаа үйл явдлыг анхааралтай ажиглаж байна

НАТО нь Беларусын Ерөнхийлөгч Лукашенкогийн мэдэгдэлд хариу өгсөн байна.

Лукашенко нь НАТО нь Беларусийн хилийн ойролцоо “танкны гинжээ хангинуулж”, цэргийн хүчээ нэмэгдүүлж байна гэж мэдэгдсэн. Мөн Литва ба Польшид НАТО-ийн цэргийн сургууль болж, эдгээр улсууд дах цэргийн хүч нэмэгдэж байгаад сэтгэл зовниж байгаагаа ч мэдэгдсэн. Улмаар Беларуст болж байгаа үйл явдалд гадаадын цэргийн хүчээр оролцохыг санаархвал Оросын зүгээс бүх талын дэмжлэг үзүүлэхээр амласан тухай ярьсан.

Үүний хариуд НАТО-ийн албан ёсны төлөөлөгч Оана Лунгеску НАТО нь Беларусын хилийн дагуу цэргийн хүчээ нэмэгдүүлээгүй тухай мэдэгдэл хийжээ. Тэрээр “Бүс нутагт цэргийн хүчийг нэмэгдүүлсэн зүйл байхгүй. Эвслийн зүүн хязгаар дах НАТО-ийн олон үндэстний цэргийн хүч нь аливаа нэг улсын эсрэг чиглээгүй бөгөөд гагцхүү өөрийгөө хамгаалахад чигэлсэн тул үүнийхээ дагуу зэвсэгт мөргөлдөөн үүсэхээс сэргийлэх, энх тайвныг сахин хамгаалахад зориулагдсан юм. НАТО нь Беларус үүссэн нөхцөл байдлыг анхааралтай ажиглаж байгаа. Ерөнхий нарийн бичгийн дарга маань үг хэлэх эрх, тайван замаар эсэргүүцэл илэрхийлэх эрх зэрэг эрх чөлөөний тулгуур болсон зүйлсийг хүндлэх ёстой гэж хэлсэн” гэжээ.