АНУ-ыг Эрдоганы эсрэг бодлого явуулсан хэвээр байвал харамсана гэдгийг анхааруулжээ

АНУ нь Туркийн Ерөнхийлөгч Тайип Эрдоганы эсрэг чиглэсэн бодлого хэрэгжүүлсэн хэвээр байвал харамсана гэжээ. Туркийн Ерөнхийлөгчийн албан ёсны төлөөлөгч Ибрагим Калым нь АНУ-ын Ерөнхийлөгчийн сонгуульд нэр дэвшигч Байдены хэлсэн үгийг тайлбарлахдаа ингэж анхааруулсан байна.

Байден нь өнгөрсөн оны сүүлээр “The New York Times” сонины редакторуудтай хийсэн уулзалтын видео бичлэг нь яагаад ч юм наймдугаар сарын 15-нд “Twitter” дэх турк хэрэглэгчдийн анхаарлын төвд орсны дараа ийм мэдэгдэл хийжээ. Энэхүү уулзалтын үеэр Байден “Биднийг сөрөг хүчний удирдлагыг дэмжиж байгаа гэдгийг ойлгомжтой болгохын тулд Эрдоганы хувьд тэс өөр байр суурь баримтлах ёстой гэж би бодож байна” гэсэн аж.

Үүнд Ибрагим Калын тайлбар хийхдээ “Туркийн талаар Байдены хийсэн дүгнэлт нь их зам, хоёр нүүр ба харанхуй бүдүүлэг байдал дээр суурилсан байна. Туркт тушаал өгдөг үе өнгөрсөн. Гэтэл та цаашдаа ч ийм авир гаргасан хэвээр байж чадна гэж бодож байгаа бол оролдоод үзэж болох юм. Та үүндээ харамсана шүү” гэж бичсэн байна.

Туркийн Ерөнхийлөгчийн захиргааны дэргэдэх олон нийттэй харилцах газрын дарга Фахреттин Алтун нь нэр дэвшигч Байдены ярилцлагын талаар “АНУ-ын Ерөнхийлөгчийн тушаалд нэр дэвшигчийн хийсэн мэдэгдэл нь Турктай ямар тоглолт хийж байдгийг болон тэдний булаан эзлэгчийн зан авирыг харууллаа. Иймэрхүү мэдэгдэл нь ардчилсан үнэт зүйлсэд ч тэр, Турк ба Америкийн харилцааны мөн чанарт ч тэр нийцэхгүй” гэжээ.

Туркийн сөрөг хүчний төлөөлөл ч Байдены байр суурийг хүлээн зөвшөөрөхгүй гэдгээ мэдэгдсэн байна. Тухайлбал, Туркийн сөрөг хүчний гол нам болон Ардын бүгд найрамдах намаас парламентад сонгогдож, Ерөнхийлөгчийн сонгуульд өрсөлдөж байсан Мухаррем Инже нь “Хараат бус байдал гэдэг манай үндсэн зан араншин бөгөөд Туркийн Засгийн газрыг солих эсэх нь Туркийн ард түмний хариуцлага болохоос таных биш” гэж “Twitter” хуудас дээрээ бичсэн байна. Тус намаас парламентад сонгогдсон өөр нэг гишүүн нь “АНУ гэх мэт улс төрийн бүх тоглогчид Туркийн ард түмний хараат бус байдал, тусгаар тогтнолыг хүндэтгэх ёстой. Манай нам эсвэл холбоотнуудад сонгуульд ялахын тулд гадаадын тусламж хэрэггүй” гэжээ.