Тайландад Засгийн газрын эсрэг жагсаалд 10 мянган хүн оролцжээ

Ням гарагт Тайландын нийслэлд болсон Засгийн газрын эсрэг жагсаалд 10 мянга гаруй залуус оролцсон гэдгийг тус жагсаалыг зохион байгуулсан “Эрх чөлөөт залуус” хөдөлгөөнийхөн мэдээлжээ. Энэ хөдөлгөөний идэвхтнүүд улсынхаа Үндсэн хуулийг өөрчлөх шаардлагад гарын үсэг цуглуулж байгаа юм байна. Тэд корона вирусийн тархалтаас хага сая хүн ажилгүй болоод байхад Засгийн газар нь бодит үр нөлөө бүхий арга хэмжээ авахгүй байгааг шүүмжлээд, Ерөнхий сайд Праят Чан-Очуг огцрох, одоогийн Үндсэн хуулийн дагуу Засгийн газрыг огцруулах, солих ямар ч боломжгүй байгааг өөрчлөхөөс гадна парламентын Төлөөлөгчдийн танхимын тарааж, жинхэнэ ард түмний шинэ хууль батлах, сөрөг хүчнийг хачин боохоо зогсоохыг шаардаж байгаа аж.

Одоогоор залуусын шаардлагыг 10 мянга гаруй хүн дэмжиж, гарын үсэг зураад байгаа бөгөөд энэ тоог 50 мянгад хүргэхийг зорьж байгаа юм байна.

Тайландын хүчний байгууллагууд залуусын хөдөлгөөний гурван удирдагчийг баривчилж, үймээн самуунд өдөөн хатгасан гэх зэрэг нэлээд хүнд ял тулгасан ч удалгүй суллан явуулжээ.