Германы “Daimler AG” компани Америкт 2,2 тэрбум долларын торгууль төлнө

Германы авто машины үйлдвэрлэлийн “Daimler AG” компани нь АНУ-ын зах зээлд борлуулсан дизель хөдөлгүүртэй тээврийн хэрэгслийн утааны хоруу нөлөөний талаарх хуурамч мэдээлэл тараасан хэрэгтэй холбоотой Америкийн Засгийн газраас ногдуулсан торгууль болон иргэдийн нэхэмжлэлийн дагуу 2,2 тэрбум доллар төлөхөөр тохиролцоонд хүрсэн байна.

Тус компаниас гаргасан мэдэгдэлд Америкийн хуулийн гүйцэтгэлийг хянадаг албадтай зарчмын тохиролцоонд хүрч чадсан гэж мэдэгдсэн байна. Нэгэнт л төрийн албадтай тохиролцоонд хүрч чадсан тул экологийн байгууллагууд ба хувь хэрэглэгчдийн нэхэмжлэлүүдийг ч барагдуулах боломжтой болж байгаа юм байна. Иймд “Daimler AG” компанид үйлдвэрлэн АНУ-д борлуулсан 250 мянга орчим хөнгөн ба ачааны машины утааг шүүх ба хянах системтэй холбоотой бүх нэхэмжлэлийг барагдуулах боломжтой болжээ.

АНУ-ын хуулийн хэрэгжилтийг хянагч байгууллагуудад торгууль гэж 1,5 тэрбум доллар төлнө. Хэрэглэгчид ба экологийн байгууллагуудын хамтарсан нэхэмжлэлүүдийг барагдуулахад 700 сая доллар төлөх юм байна. “Daimler AG” компани нь энэ бүх төлбөрийг барагдуулах санхүүгийн хангалттай боломжтой гэдгээ онцолжээ.