Б.Наранцэцэг: Энэ хичээлийн жилд төлбөр нэмэгдэхгүй

“Шинэ Монгол Харүмафүжи” сургуулийн Ахлах ангийн сургалтын менежер Б.Наранцэцэгтэй ярилцлаа. 

- 2020-2021 оны хичээлийн шинэ жил онцгой нөхцөлд эхлэх гэж байна. Танай сургуулийн хувьд хичээлийн хуваарьтаа ямархуу зохицуулалт хийж байна вэ. Бэлтгэл ажил хэр хангагдав?

-Бид Боловсролын яам, УОК-оос гаргасан зөвлөмж, чиг үүргийндагуу 2020-2021 хичээлийн шинэ жилийн бэлтгэлээ хангаж байна. Тухайлбал, сурагчдын хэт их төвлөрөл үүсгэхгүйгээр хүүхэд хоорондын зайгаа барьж нэг ангид 20-иос илүүгүй хүүхэд хичээллэхээр, анги танхимын ариутгал халдваргүйжүүлэлтийг цаг тухайд нь хийх, сурагч, эцэг эхчүүдэд тавих эрүүл ахуйн хяналт, мэдээллийг цаг алдалгүй хүргэх гэх мэт онцгой байдлын үед хэрэгжүүлэх ажлын бэлтгэлээ бүрэн хангаад байна.

-Нэг ангид 2-иос илүү сурагч хичээллэхгүй. Үүнээс шалтгаалж хичээлийн цаг богиносох, танхимын болон цахим хосолсон сургалт хийх, сургалтын хөтөлбөрт өөрчлөлт орох гэх мэт асуудлууд үүсч байгаа. Үүнийг хэрхэн зохицуулж байгаа вэ?

-Тийм асуудал үүсч байгаа нь үнэн. Манай сургуулийн хувьд дараахь зохицуулалтуудыг хийж байгаа. Үүнд: Зарим ангиудаа танхим, цахим хосолсон хэлбэрээр хичээллүүлэх, зарим ангиудаа танхимын сургалтаар хоёр ээлжээр, богиносгосон цагаар хичээллүүлэхээр төлөвлөж байна. Манай сургуулийн хувьд анги танхимын хүрэлцээ хангалттай, бүр сул ангиуд ч байна, үүний зэрэгцээ ахлах ангиуд маань нэг ээлжээр хичээллэдэг зэрэг нөхцөл баломж байгаа учраас 10, 11, 12 дугаар ангиуддаа долоо хоногийн таван өдөр танхимын сургалт явуулах боломжтой гэж харж байгаа

-Энэ жил хувийн сургуулиуд төлбөрөө хувааж авна гэсэн яриа байсан. Танай сургууль ямар журам баримталж байгаа вэ?

-Манайх энгийн үед ч төлбөрөө хоёр хувааж авдаг шүү дээ. Энэ жишгээрээ л явна.

-Сүүлийн үед эдийн засаг хямралтай, юмны үнэ их өсч байгаа. Сургуулиудын төлбөр нэмэгдэх болов уу?

-Бусад сургуулиудыг хэлж мэдэхгүй юм. Манай сургуулийн хувьд бол нэмэгдэхгүй. 

Ер нь бол зах зээлийнхээ зарчмыг дагах юм бол нэмэхээс өөр аргагүй л байдалд байгаа юм билээ. Гэхдээ манай удирдлагууд ярилцаад Ковид-19 өвчнөөс шалтгаалж, нийгэм эдийн засагт хүндрэлүүсээд буй энэ цаг үед төлбөр нэмэх нь зохисгүй гэж үзсэн. Өөрөөр хэлбэл, улс даяараа хүнд нөхцөлд байгаа үед нийгмийн хариуцлагаа нэгдүгээрт тавих ёстой гэдэг дээр санал нэгдсэн.

-Энэ жил танай сургууль хэддүгээр ангиуддаа элсэлт авч байгаа вэ?

-1, 6, 10, 11-рангиуддаа шинээр элсэлт авч байгаа. 1, 6-р ангиудын бүртгэл өнөөдөр буюу 14-ний өдрөөр дуусч байгаа. Зарим эцэг, эхчүүдийн зүгээс “Хөдөө орон нутгаас ирж сонгон шалгаруулалтад оролцоход цаг хугацаа багагүй шаардахаар байна. Улсын сургуулиуд 17-ны өдрөөс үйл ажиллагаагаа эхлүүлэх учраас сурагчийн хувийн хэрэг, бичиг баримтаас эхлээд бүртгэлд шаардлагатай материалуудаа авч чадаагүй байна. Тийм учраас зарим ангийн бүртгэлийн хугацааг сунгаж өгнө үү” гэсэн хүсэлт ирүүлсэн байгаа. Иймд 10 болон 11ангийн элсэгчдийн нэмэлт бүртгэлийг наймдугаар сарын 18-ныг дуустал явуулахаар болсон байгаа.Энэ талаар бид “Шинэ Монгол Харүмафүжи” сургуулийн цахим хуудас болон хэвлэл мэдээллийн хэрэгслээр дэлгэрэнгүй мэдээлэл хүргэж байна..

-Хүүхдүүдийн маань хичээл бараг бүтэн жил тасалдлаа. Үүнийг нөхөх тал дээр хэр анхаарч байна вэ?

-Яамнаас чиглэл болгосны дагуу өнгөрсөн хугацаанд цахимаар орсон хичээлийг бататгаж “давтлага”-ыг есдүгээр сардаа түлхүү орно.Мөн эцэг,эхчүүдтэй зөвшилцсөний үндсэн дээр ахлах ангийн сурагчиддаа нэмэлт давтлага өгөхөөр төлөвлөж байгаа. Өмнө нь дурдсанчлан хүүхдүүд маань аравдугаар ангиасаа мэргэжлийн чи гбаримжаагаа олж, дагнан суралцаж эхэлдэг учраас эцэг эх, багшийн анхаарал зөвлөгөө маш чухал байдаг. Тийм учраас бид ахлах сургуулийн сурагчдад мэргэжлийн баримжаа олоход нь мөн олон улсын шалгалт өгх зэрэг үйл ажиллагааг чиглүүлэх зрилготой “Карьертөв” болон сэтгэл зүйч багш гаргаж зөвлөгөө, дэмжлэг үзүүлдэгюм.