Минскт баривчлагдсан хүмүүсийг бүгдийг суллана

Беларусын нийслэл Минскт эрх баригчдыг эсэргүүцсэн жагсаалд оролцоод баривчлагдсан олон мянган хүнийг бүгдийг суллахаар шийдсэн тухай тус улсын ДЯЯ-ын орлогч сайд А.Барсуков мэдэгдсэн байна. Ерөнхийлөгчийн сонгуулийг булхайтай явуулж Александр Лукашенког нь сонгогчдын 80 хувийн санал авсан гэдгийг дийлэнх беларусчууд эсэргүүцэн улс даяар олон хотод эсэргүүцлийн жагсаал болж байгаа юм. Минск хотод болсон эсэргүүцлийн жагсаалын үеэр баривчлагдсан хүмүүсийг Окрестина дах түр саатуулах газар хорьж байсан ч тэдэнд эрүүгийн хэрэг үүсгэхээс татгалзан, захиргааны арга хэмжээ аваад суллаж эхэлсэн байна.