ЭМЯ: 24 цагийн дотор Энэтхэг улсад коронавирусийн хамгийн олон тохиолдол илэрчээ

ЭМЯ-ны Шуурхай удирдлагын газрын дарга Д.Нарангэрэл: "Коронавирусийн халдвар дэлхийн 216 улс орон нутаг дэвсгэрт бүртгэгдэж, 20 сая 440 мянган хүн өвчилж, 745 мянган хүн нас баржээ. Харин 13 сая хүн эдгэрчээ. 

24 цагийн дотор Энэтхэг улсад 67 мянга, Бразил, АНУ-д  тус бүр 55 мянган хүн коронавирусийн халдвар  авчээ. 

Манай улсын хувьд тусгаарлах ажиглалтад 6 хүн шинээр орсон, 45 хүн гарч гэрийн тусгаарлалтад шилжсэн. Одоогоор тусгаарлах байранд 3300 хүн байна. Цэргийн төв эмнэлэгт 65 хүн эмчлүүлж байгаагаас 1 хүний биеийн байдал хүндэвтэр, эрчимт эмчилгээний тасагт  байна" гэв.