Беларуст эсэргүүцлийн жагсаалын үеэр хүний амь эрсэджээ

Беларуст Ерөнхийлөгчийн сонгуулийн үр дүнг эсэргүүцсэн жагсаалын үеэр хүний амь үрэгдсэн тухай тус улсын ДЯЯ мэдээлсэн байна. Беларусийн Сонгуулийн хорооноос Ерөнхийлөгчийн сонгуулиар одоогийн Ерөнхийлөгч Лукашенко нь 80 гаруй хувийн санал авч ялалт байгуулсан гэж зарласны дараа, улс даяар эсэргүүцсэн хүмүүс гудамж талбайд гарч, жагсаал цуглаан хийх болсон. Зарим газар эсэргүүцэгчид нь гудамж талбайг хааж, цагдаа нар руу замын хавтан чулуу нүүлгэн хүчтэй эсэргүүцэл үзүүлсэн байна. Хариуд нь цагдаа нар резинэн сум, дуу чимээний гранат, нулимс асгаруулагч хий ашиглан эсэргүүцэгчдийн тарааж байна.

Беларусийн ДЯЯ-ны мэдээлж буйгаар эсэргүүцлийн жагсаалд оролцогчийн гарт гар хийцийн тэсрэх бөмбөг дэлбэрсний улмаас амь насанд нь үл нийцэх шарх авч газар дээрээ нас барсан аж.

Мөн жагсагчид цагдаа нарыг тусгай тоноглолтой тээврийн хэрэгсэл хэрэглэхэд саад болох үүднээс хувийн машинаа зам хааж орхих болсон тухай сэтгүүлчид мэдээлж байна. “Euroradio“-ийн сэтгүүл энэ талаар бичихдээ “Беларусуудын хувьд машин нь улс төрөөс ач холбогдол багатай болж хувирна гэдэг энэ улсад үнэхээр эргэлтийн мөч ирээд байгааг харуулж байна” гэж дүгнэжээ.

Цагдаа нар эсэргүүцлийн жагсалд оролцсон 3000 гаруй хүнийг баривчлаад байгаа аж.