Агуулахад хадгалж байсан 2750 кг аммонийн нитрат дэлбэрсэн байжээ

Наймдугаар сарын 4-нд Ливаны нийслэл Бейрутын боомтод асар хүчтэй дэлбэрэлт болж, олон зуун хүн амиа алдаж, хэдэн мянган хүн шархадсан. Энэ дэлбэрэлтийн шалтгааны талаар “Хезболла” бүлэглэлийн бөмбөг хийхдээ ашигладаг нитрат дэлбэрлээ гэдгээс эхлээд Израйлын тусгай албад алан хядагчдын лаборатори руу дайралт хийсний улмаас дэлбэрлээ гэх мэт янз бүрийн таамаг дэвшүүлж эхэлсэн. Тэгвэл Ливаны Засгийн газраас өгсөн тайлбар ёсоор боомтын ажилтнууд агуулахад гарсан цоорхойг гагнуур хийж нөхөх үеэр ойролцоо нь хадгалагдаж байсан 2750 кг аммонийн нитратад оч үсрэн дэлбэрсэн аж.

Дэлбэрэлтээс үүсэн долгион Бейрут хотыг бүхэлд нь дайрч, хот цөмийн бөмбөгдөлтөд өртсөн мэт болсон байна. Хамгийн сүүлд ирж байгаа мэдээгээр дэлбэрэлтээс олон зуун метрийн цаана байсан байшин барилгууд юу ч үгүй нурж, зогсоол дээрх машинууд зомгол шиг шидэгдэж байжээ.