Хятад Ангараг гарагийн гадаргуун хятад нэршлийг танилцуулжээ

БНХАУ нь Ангараг гарагийг судлах анхны пуужингаа хөөргөсний дараагаар Хятадын Одон орон судлалын нийгэмлэг нь тус гарагийн гадарга дээрх 811 объектын хятад нэршлийг вэб сайт дээрээ байршуулсан тухай “Синьхуа” агентлаг мэдээлж байна.

Шинжлэх ухааны судалгааг хөгжүүлэх, олон нийтэд сурталчлах үүднээс Олон улсын одон орон судлалын холбооноос 2020 оны долоодугаар сарын 15-нд хэвлэн гаргасан нэршлийг хятад хэл рүү орчуулан буулгасан нь энэ аж. Олон улсын улсын нэршлийг хятад хэл дээр буулгахын тулд шинжээчдийн бүлгийг ажиллуулж, тэдний санал болгосон нэршлүүдийг Хятадын Одон орон судлалын нийгэмлэг ба Шинжлэх ухаа ба техникийн нэршлийг тодорхойлох хятадын хорооноос дэмжсэний дараа ийнхүү олон нийтэд танилцуулсан юм байна.

Европчууд анх 17 дугаар зуунд гариг эрхсийг судлах дуран авай бүтээсэн цагаас хойш Ангараг гарагийг судалж эхэлсэн бөгөөд гадарга дээр харагдсан зүйлсэд системтэйгээр нэр өгч эхэлжээ. Олон улсын Одон орон судлалын холбоо нь 1919 онд үүсгэн байгуулагдсан цагаасаа Нарны аймгийн хүрээн дэх гарагуудын гадаргын онцлогт нэр өгч эхэлжээ.

Одоо орон сонирхогчид нь Хятадын одон орон судлалын нийгэмлэгийн вэб сайт руу зочлон Ангараг гарагийн гадаргын англи ба хятад нэршилтэй https://nadc.china-vo.org/skyviewer/mars/#/placename энэ хаягаар орж танилцаж болох юм байна.