Байдены сонгуулийн штабт “TikTok”-ийг хориглов

Удахгүй болох Ерөнхийлөгчийн сонгуулиар Трампын гол өрсөлдөгч болно гэгдэж байгаа АНУ-ын дэд Ерөнхийлөгч асан Жозеф Байдены сонгуулийн штабын ажилтнуудад гар утаснаасаа “TikTok”  аппликейшныг устгах заавар өгсөн тухай “CNN” мэдээлж байна.

Байдены хуулийн зөвлөх Дана Римус нь штабын ажилтнуудад хандсан захидалдаа “Бид үүрэн холбооны төхөөрөмжүүд дээрээ TikTok-ийг ашиглахаас татгалзахыг ахин зөвлөж байна. Хэрэв та штабт ажиллахдаа TikTok-ийг ашигладаг бол энэ зорилгодоо тусдаа утас авч, өөр бүртгэл нээхийг зөвлөж байна” гэжээ.

Америкийн эрх баригчид TikTok сүлжээний эсрэг хориг арга хэмжээ авсан тул дараа жилээс эхлэн Америкийн төрийн албадад TikTok-ийг ашиглахыг бүрэн хориглохоор болсон. Хятадын тагнуулын албад TikTok сүлжээг ашиглан Америкийн иргэдийг тагнаж, кибер дайралт хийхдээ ашиглаж магадгүй гэж хардаж байгаа юм байна. Үүнээс өмнө Энэтхэгт төрийн албан хаагчдыг TikTok сүлжээг ашиглахыг хатуу хориглосон. Хятад ба Пакистаны тагнуулын албад TikTok гэх Хятадын аппликейшн ашиглан энэтхэгийн цэргүүд болон төрийн албан хаагчдаас нууц мэдээ хулгайлж байна гэж үзсэн тул ийм арга хэмжээ авчээ.