АНУ –ын холбоотнууд ардчилал ба авторитар дэглэмийн аль нэгийг нь сонгох ёстой гэжээ

АНУ нь Хятадын Консулын газруудыг хааж, албан тушаалтнуудын эсрэг хориг арга хэмжээ авч, эрдэмтэн ба оюутнуудыг нь нутгаасаа албадан гаргах зэргээр Бээжингийн эсрэг эрс хатуу бодлого явуулах болсон. Иймд энэ бодлого нь нэлээд ширүүн шүүмжлэлд өртөөд байгаа юм. Тухайлбал, АНУ-ын Төрийн нарийн бичгийн дарга Майк Помпеог хэвлэлийн бага хурал хийх үеэр энэ бодлогыг даган дуурайх нь Вашингтоны холбоотон орнууд, түүн дотроо Европын орнуудад ашиггүй тусна гэж байгаа талаар тайлбарлахыг хүсжээ. Ингэхэд Помпео “Үгүй, 100 хувь дагаж болно. Энд Америк ба Хятадын аль нэгийг сонго гээд байгаа юм биш. Энд нэг талд нь ардчилал ба эрх чөлөө, нөгөө талд нь дарангуйлал ба авторитар дэглэм байхад сонголт хийх тухай яригдаж байгаа юм” гэжээ.