Италид хуурамч гэрлэлт бүртгүүлж цагаачдыг иргэншүүлдэг сүлжээг илрүүлжээ

Италийн нутагт гадаадын цагаачдад байнга оршин суух эрх олгуулахын тулд хуурамч гэрлэлт батлуулдаг байсан сүлжээг Санхүүгийн гварди нь илрүүлсэн тухай “la Repubblica” мэдээлсэн байна.

Энэхүү сүлжээнд багтан ажилладаг байсан Италийн иргэд болон Хойд Африк, Өмнөд Америкаас гаралтай 56 хүнийг цагдаа нар баривчилжээ. Хуурамч гэрлэлт батлуулах сүлжээг Доминикан улсын иргэн байгуулсныг тогтоогоод байгаа аж. Гэмт этгээд нь таван жилийн дотор 200 мянган еврогоор 24 хосыг хуурамчаар бүртгүүлж амжсан байж. Гэмт хэргийн сүлжээнд оролцсон зарим эрэгтэйчүүд нь гэрлэлтээ цуцлуулах болоход “эхнэрийнхээ” нэрийг хэлж мэдэхгүй байх гэх мэт анхаарал татсан алдаа гаргадаг байжээ.