Л.Мөнхтүшиг: Энэ сард нийт 14 нислэг үйлдэх төлөвлөгөөтэй байна

Улсын Онцгой комиссын дэргэдэх Шуурхай штабаас мэдээлэл хийлээ. Энэ үеэр ГХЯ-ны Консулын газрын захирал мэдээлэл өглөө.

ГХЯ-ны Консулын газрын захирал Л.Мөнхтүшиг: Агаарын 13 чиглэлээр иргэдээ татан авлаа. Авто замаар өмнөд болон хойд хөршөөс 6000 иргэнээ татан авсан. ОХУ-аас оюутнууд дахин ирэх хүсэлтээ өгөөд байгаа. Энэ сард нийт 11 тусгай нислэг хийхээр төлөвлөөд байсан ч нийт 14 нислэг үйлдэх шийдвэрт хүрлээ. Учир нь тусгаарлах байрны хүрэлцээ өссөн. Дараагийн нислэгийг энэ сарын 28-нд БНСУ руу үйлдэхээр болсон. Ингэснээр энэ сард татан авах иргэдийн тоо 3397 болно. Анх нэг сард 100 орчим л иргэнээ авчирч байсан бол тоо нь өсч байна.  Бид хүчин чадлаараа тултал нь иргэдээ авчирсаар байна.