Норвегид алан хядах ажиллагааны хохирогчдыг нэхэн дурсав

Норвегид есөн жилийн өмнө Утойя арал болон Ослод болсон аймшигт алан хядах ажиллагаанд өртөн амиа алдсан хүмүүсийн дурсгалыг хүндэтгэх арга хэмжээ болсон байна. Хэт баруун үзэлт АндерсБрейвик гэгч нь 2011 онд Осло хот болон Утойя арал дээр бөмбөг дэлбэлж, гэмгүй 77 залууг буудан хороосон аймшигт алан хядах ажиллагаа үйлдсэн байдаг. Брейвик нь эрх баригчдын явуулж байгаа олон соёл тэгш эрэхтэйгээр зэрэгцэн орших тухай үзэл дээр суурилсан бодлого нь Европын уугуул иргэдийн хэл, соёл, шашныг үгүй хийж, Европ тив түүний дотор Норвеги нь исламын шашинт болж хувирч байгааг эсэргүүцэх нэрийдлээр Норвегид эрх барьж байсан Ажилчны намын залуучуудын төв рүү дайран гэм зэмгүй 77 залууг буудан хороосон юм.

Норвегийн шүүхээс Брейвикт тус улсын ялын дээд хэмжээ болох 21 жил хорих ял оноосон.

Норвегийн Ерөнхий сайд ЭрнаСульберг нь “Ийм зүйл давтагдах ёсгүй. Алан хядагчдын халдаж байгаа үнэт зүйлсийн төлөө өдөр болгон тэмцэх болно гэсэн амлалтаа бид өнөөдөр өөрсдөдөө ахин сануулж байна” гэжээ.