Украйны Ерөнхийлөгч алан хядагчийн шаардлагыг биелүүлжээ

Долоодугаар сарын 21-ний өглөө Украйны Луцк хотын төвд гэмт этгээд автобусаар зорчиж явсан 20 хүнийг барьцаалсан хэрэг гарчээ. Оросын харьяат, рецидив гэмт хэрэгтэн Максим Кривош гэгч нь Украйны удирдлагуудад янз бүрийн ямар ч авцалдаагүй янз бүрийн шаардлага тавьсан байна. Тухайлбал, Дотоод хэргийн сайд Аваков, экс Ерөнхийлөгч Порошенко нарыг камерын өмнө өөрсдийгөө “дархлагдсан алан хядагчид” гэж зарлахыг шаарджээ. Мөн Ерөнхийлөгч Зеленскийг олон нийтийн сүлжээгээр 2005 онд бүтээгдсэн “Дэлхийнхэн” гэдэг уран сайхны киног бүгд үзэх ёстой гэсэн уриалга бичихийг шаардсан байна.

Ерөнхийлөгч Зеленский түүний шаардлагыг биелүүлж “Фэйсбүүк” хуудсандаа “2005 оны “Дэлхийнхэн” киног бүгд үзээрэй” гэж бичсэн байна. Үүний дараа гэмт этгээд гурван хүнийг сулласан.

Гэмт этгээд автобусанд болон олон хөлийн газар алсын удирдлагатай тэсрэх бөмбөг нуусан, дайрахыг завдвал дэлбэлнэ гэж сүрдүүлсэн. Мөн цагдаа нарын хөөргөөсөн хяналтыг дроныг автоматаар буудаж, автобусны цонхоор тэсэлгээний уут шидэлж байжээ. Гэвч удалгүй Аюулгүйн албаны тусгай хүч гэмт этгээдийг баривчилсан байна.

Украйны Аюулгүйн алба нь олон хүн барьцаалсан хэрэгт алан хядах ажиллагаа зүйл ангиар эрүүгийн хэрэг үүсгэжээ.