Хятадын хакеруудыг Америкаас вакцины мэдээлэл хулгайлсан гэж буруутгажээ

Хятадын хакеруудыг Америкийн компаниудааскорона вирусийн вакцинтай холбоотой мэдээлэл хулгайлсан гэж буруутгаж байгаа тухай “Associated Press” мэдээлсэн байна. АНУ-ын Хууль зүйн яам Хятадтай холбоотой гэх хоёр хакерыг сүүлийн хэдэн сарын турш Америкийн маш олон компани, түүний дотор корона вирусийн эсрэг вакцин ба эм боловсруулж байгаа компаниудын сүлжээнд хууль бусаар нэвтрэн олон сая доллароор үнэлэгдэх мэдээлэл хулгайлсан гэж буруутгаж байгаа юм байна. Прокурорууд нь хулгайд алдагдсан мэдээлэл нь Хятадын Засгийн газрын сонирхлыг татсан байж болзошгүй гэж үзэж байгаа аж.

Сүүлийн үед Хятад, Оросын гэгдсэн хакеруудыг Их Британи, АНУ, Канадын компаниудын сүлжээнд нэвтэрч корона вирусийн эсрэг вакцин бүтээх ажилтай холбоотой мэдээлэл хулгайлсан гэж буруутгасан мэдэгдэл удаа дараалан хийгдэх болсон. Үүнтэй холбоотойгоор АНУ-ын Конгрессын Төлөөлөгчдийн танхим дах цөөнхийн тэргүүнКевинМаккарти нь корона вирусийн эсрэг вакцины мэдээлэл хууль бусаар авах гэсэн хакеруудын эсрэг хориг арга хэмжээ авах тухай хууль санаачлан хэлэлцүүлэхээр өргөн барьжээ.