Пакистан улс “TikTok” –д сүүлчийн анхааруулга өгчээ

Пакистаны удирдлага Хятадын “TikTok” сүлжээг ёс суртахуунгүй контент оруулж байгаа тул блок хийнэ гэж анхааруулга өгсөн тухай “Techcrunch” мэдээлсэн байна. 

“TikTok” –ийн контент суртахуунгүй байгаа талаар иргэдээсээ асар их гомдол хүлээн авсан учраас ийм арга хэмжээ авсан байна. Өмнө нь контентуудынхаа ёс суртахуун, хууль зүйд нийцэх байдлыг сайтар шүүж байх талаар “TikTok”-ийн удирдлагад удаа дараа хүсэлт гаргасан ч хариу өгөөгүй аж. Иймд Пакистаны Харилцаа холбооны удирдах газраас цаашид ч хууль журам, ёс суртахууны хэм хэмжээг зөрчсөн хэвээр байвал улс даяар “TikTok”-ийг хаана гэсэн байна.

Үүний өмнө Энэтхэг нь Хятадыг 59 аппликейшн, түүний дотор “TikTok”-ийг Энэтхэгийн нутаг дэвсгэр дээр бүрэн хаасан юм. Үүнээс гадна Энэтхэгийн Засгийн газар нь Хятадын “WeChat” нийгмийн сүлжээний ухаалаг утсан дээр аппликейшн, UC браузер, Weibo зэрэг үйлчилгээг ашиглахыг хоригложээ.