Reuters: АНУ найтаахад дэлхий ханиад хүрдэг

АНУ нь цар тахлын эсрэг үр дүнтэй арга хэмжээ авч чадахгүй байгаагаас дэлхийн эдийн засаг сэргэх хугацаа холдож байгаа тухай “Reuters” бичсэн байна. Дэлхийн маш олон орны хөгжил нь Америкийн эдийн засгаас хамааралтай тул бүгд л АНУ дах нөхцөл байдал муудахаас эмээдэг. Үүнийг “Reuters” агентлаг нь “АНУ найтаахад дэлхий ханиад хүрдэг” гэж тайлбарлажээ. ОУВС-аас нь дэлхийн эдийн засгийг өсөлтөд ороход саад болж байгаа нэг зүйл асуудал нь Америкийн нийгмийг хамарсан эсэргүүцлийн хөдөлгөөн гэж тодорхойлсон байна. Цаашдаа америкчуудын ядуурлын түвшин нэмэгдэх нь эрэлтийг улам сулруулж, сэргэх явцыг удаашруулна гэж үзэж байгаа юм байна.

АНУ нь дэлхийн ДНБ-ийн 25 хувийг эзэлдэг. Иймээс дэлхийн хамгийн хүчиргэг эдийн засагтай улс орнууд ч Америкийн зах зээлээс маш ихээр хамаардаг. Тухайлбал, АНУ дах цар тахал болон эсэргүүцлийн хөдөлгөөний улмаас Герман улсын экспорт 36 хувиар буурсан. Америк нь корона вирусийн тархалтыг зогсоож чадаагүй цагт Японы эдийн засгийн сэргэх хугацаа мөн л удаашрах бөгөөд Азийн орнуудын экспорт ч өсөхгүй эгж шинжээчид үзжээ. АНУ-ын ДНБ 2020 оны эхний улирлын байдлаар 5 хувиар буурсан нь 2008 оны хямралаас хойш ажиглагдсан хамгийн хүчтэй уналт болжээ.