АНУ-ын конгрессоос Герман улсын нутгаас цэргүүдээ гаргахгүй байхыг гуйжээ

ХБНГУ-ын дөрвөн муж улсын Ерөнхий сайд нар нутгаас цэргээ гаргахгүй байх хүсэлтийг АНУ-ын Конгресст гаргасан байна. Бавар, Гессен, Баден-Вюртемберг,Рейнланд-Пфальц гэсэн дөрвөн муж улсын тэргүүнүүд Конгресст хандан бичсэн захидалдаа тэдний нутаг дах АНУ-ын цэргийн баазууд нь Европ дах Америкийн цэргийн хүч ба НАТО-ийн шуурхай хариу өгөх чадварын үндэс гээд цаашид ч Америкийн цэргийг Европ болон Германд байлгаж, эв найрамдлаа бэхжүүлэх хэрэгтэй гэсэн аж.

Ерөнхийлөгч Трамп нь Герман дах цэргийн албан хаагчдын тоогоо 34,5 мянгаас 25 мянга болгож цөөлөх тухай шийдвэр гаргасан юм. Тэрээр Герман улс АНУ-ыг нутагт дээр нь цэргээ байршуулан, Оросын аюулаас хамгаалж байгаагийн төлөө олон тэрбум доллар төлөх ёстой гэдгийг онцлоод “Тэд төлбөрөө төлөөгүй цагт бид цэргээ гаргана” гэж мэдэгдсэн юм.