Иран ОХУ-аас орчин үеийн зэвсэглэл худалдан авахыг хүсэж байна

Иран улс ОХУ-ын хамгийн сүүлийн үеийн зэвсгийг худалдан авах сонирхолтой байгаа тухай Москва дах Ираны Элчин сайд КаземЖалали мэдэгджээ. Тэрээр Оросын “Коммерсант” сонинд ярилцлага өгөхдөө “Манай улсын батлан хамгаалах чадварыг бэхжүүлэхийн тулд юу шаардлагатай байгаа талаар бид Оростой зөвлөлдөх болно. Оросын Засгийн газар, Оросын ард түмэн бидэнтэй хүнд хэцүү үед хамт байсан, байсаар ч байна. Ийм учраас Орос нь манай улсын хувьд нэн чухал түнш” гэжээ.

Өнгөрсөн долоо хоногт Ираны Ерөнхийлөгч Хасан Роухани нь Тегераны эсрэг авсан зэвсгийн хоригийг цуцлах боломжийн талаар Оросын Ерөнхийлөгч Путинтай ярьж зөвшилцсөн юм. Ираны Элчин сайд нь Орост шинэ зэвсэглэлээ Иранд худалдах өргөн боломж байгааг онцлоод энэ чиглэлийн харилцаагаа улам батжуулна гэдэгт найдаж байгаагаа илэрхийлсэн байна.