Энэтхэг, АНУ-ын байлдааны усан онгоцнууд хамтарсан сургууль хийжээ

Даваа гарагт Энэтхэгийн Тэнгисийн цэргийн хүчний усан онгоцнууд АНУ-ын нисэх онгоц тээгч бүхий цохилтын бүлгийн хамт хээрийн сургууль хийсэн тухай “PTI” агентлаг мэдээлжээ. Бенгалийн булан дах Энэтхэгийн мэдлийн Андаман ба Никобарын арлуудын орчим болсон хээрийн сургуульд Энэтхэгийн дөрвөн усан онгоц оролцсон бол Америкийн талаас “Nimitz” нисэх онгоц тээгчээр удирдуулсан бүлэг оролцсон байна.

Энэхүү хээрийн сургууль нь Энэтхэг ба Хятадын хилийн орчим хурцадмал байдал үүссэн үед болсон гэдгээрээ шинжээчдийн анхаарлыг ихэд татсан байна. Энэтхэг нь цаашдаа бүс нутаг дах АНУ-ын тэнгисийн цэргийн хүчинтэй шуурхай хамтын ажиллагаагаа идэвхжүүлэх бодолтой байгаа аж.