Вашингтонд хар арьстнууд гал нээж, есөн хүн шархаджээ

АНУ-ын нийслэл Вашингтонд буудалцаан болсны улмаас олон хүн шархадсан тухай хотын цагдаагийн газрын дарга ПитерНюсэм мэдэгджээ. Нийт есөн хүн шархадсанаас хоёрынх нь биеийн байдал хүнд байгаа, нэг нь шархаа даалгүй нас барсан аж. Буудалцааны гэрчүүдийн мэдүүлснээр урт голтой буу, гар буугаар зэвсэглэсэн гурван хар арьстан хүмүүс рүү буудсаны дараа машинд суун зугтсан аж. Үүнээс өмнө Иллинойс мужийн Пеориа хотод үл мэдэгдэх этгээдүүд цугласан хүмүүс рүү буудаж, 12 хүн шархадсан тухай мэдээ ирж байсан.

Сиэтл хотод эсэргүүцлийн жагсаалд оролцогчид цагдаагийн хэлтэс рүү дайрч эзлэхийг оролдсоны улмаас 12 цагдаа шархадсан байна. Ням гарагт BLM хөдөлгөөний дэмжигчдийн оролцсон жагсаал анхандаа тайван байдлаар явагдаж байсан удалгүй бейсболын цохиураар зэвсэглэсэн залуучууд замдаа таарсан дэлгүүр, байшин барилгын цонхыг хагалж, дээрэм тонуулж хийж эхэлсэн байна. Удалгүй үймсэн хүмүүс цагдаагийн хоёр хэлтэс рүү дайрч эзлэхийг завдаж, цагдаа нар нулимс асгаруулагч хийж, дуут гранат ашиглан тараажээ. Үүний дараагаар Сиэтл хотын цагдаа газар мэдэгдэл хийж “Ням гарагт жагсаалд оролцсон хүмүүс Сиэтл хотын захиргааны болон хувийн барилга, байгууламжид ихээхэн хэмжээний хохирол учрууллаа. Үймээний үеэр хамгийн багадаа 12 цагдаа шархдаж, хоёр хүнийг саатуулсан” гэсэн байна.