Дэлхийн бүх эд баялгийн тэн хагас нь 26 хүний мэдэлд байдаг

НҮБ-ын Ерөнхий нарийн бичгийн дарга АнтониуГуттериш нь дэлхийн хамгийн баян 26 хүний хөрөнгө нь дэлхийн хүн амын тэн хагасынх нь орлоготой тэнцүү болоод байгааг онцолжээ. Тэрээр ӨАБНУ-ын Ерөнхийлөгч агсан НельсонМанделагийн төрсөн өдрийг тохиолдуулан хэлсэн үгэндээ энэ тухай дурдсан байна.

Ийнхүү 26 хүн дэлхийн хамаг баялгийн тэн хагасыг эзэмшиж байх зуур дэлхийн хүн амын 70 хувь нь улам бүр өсөн нэмэгдэж байгаа эрх тэгш бус нөхцөлд амьдарч байгааг Гуттериш онцолжээ. Дэлхий дээрх санхүүгийн ялгарал их байгаагаас эдийн засгийн тогтворгүй байдал, авлига, санхүүгийн хямрал үүсэж, гэмт хэрэг нэмэгдэж, улмаар хүмүүсийн биеийн болон сэтгэцийн эрүүл мэнд муудаж байна гэж НҮБ-ын Ерөнхий нарийн бичгийн дарга үзжээ.

Мөн энэхүү эрх тэгш бус байдлаас болж хөгжлийн түвшин багатай улс орнуудад 20 жилийн өмнө төрсөн хүүхдүүдийн 17 хувь нь нас бараад байгаа нь аймшигтай зүйл гэж мэдэгдсэн байна.

Эрүүл мэнд, цэвэр усны хангамж, нийгмийн эрүүл ахуй, ажил, нийгмийн халамж, эрүүл мэндийн хангамж зэрэг нь хөрөнгө мөнгөтэй хүмүүст арилждаг бараа таваар бус харин хүн болгоны төрөхөөс эдлэх ёстой эрх НҮБ-аас үзэж байгааг мэдэгдсэн байна.