Дөрвөн сартайгаас-12 насны хүүхэдтэй гэр бүл осолд өртөж, таван настай охин нас баржээ

Энэ сарын 15-ны өдөр Архангай аймгийн Эрдэнэбулган сумын нутаг "Цагаандаваа" гэдэг газарт бензин ачсан тов оврын автомашин осолдож арав гаруй иргэн түлэгдэж хоёр иргэн газар дээрээ амиа алдаж, нэг бүлийн долоон иргэн энэхүү осолд өртөж таван настай охин нь ослын маргааш гэмтлээ даалгүй харамсалтайгаар амиа алджээ.

 Тодруулбал гэр бүлээрээ зугаалахаар явж байсан "соната-7" маркийн автомашинтай дөрвөн сартайгаас 12 насны дөрвөн хүүхэдтэйгээ аав, ээж, эмээтэй нь буюу нэг гэр бүлийн долоон иргэн энэхүү осолд өртсөн байна. Гал гарах үед дөрвөн сартай хүүхдийнх нь хоёр гар түлэгдэж, ээжийнх нь нүүр битүү түлэгдэлттэй, аав нь болон 10 настай хүүгийнх нь биеийн байдал тааруу ГССҮТ-ийн сэхээн амьдруулах тасагт хэвэн эмчлүүлж байна. Ослын улмаас таван настай охин нь гэмтлээ даалгүй нас баржээ. Одоогоор ГССҮТ-д нэг гэр бүлийн зургаан иргэн 65-90 хувийн түлэгдэлттэй биеийнх нь байдал хүнд хэвтэн эмчлүүлж байна.