Турк: Азербайжаны амь үрэгдсэн цэргүүдийн хариуг авна

Туркийн Батлан хамгаалахын сайд ХулусиАкар нь Азербайжаны төлөөлөгчидтэй уулзахдаа Армен улс хийсэн өдөөн хатгалга бүрийнхээ төлөөсийг авна гэж мэдэгджээ.

Азербайжаны хилийн дагуу Армен өдөөн хатгалга хийсний дараа Туркийн Ерөнхийлөгч РежепТайипЭрдоган Азербайжаны Ерөнхийлөгч ИльхамАлиевтай утсаар ярьсан гэдгийг ХулусиАкар онцлоод “Азербайжаны Товуз район руу итгэлийг эвдэн дайрсанд бид эрс буруушааж байна. Азербайжаны тулгарсан зовлон шаналал бол бидний ч зовлон шаналал. Азербайжаны цэргийнхэн амь үрэгдсэн явдлыг зүгээр орхихгүй” гэжээ.

Турк нь хоёр улсын хилийн маргаанд Азербайжаныг дэмжихээ удаан дараалан мэдэгдэж байгаа юм.

Долоодугаар сарын 12-нд Армен Азербайжаны хилийн дагуу мөргөлдөөн эхэлж, хоёр талаас олон хүн амиа алдаж, шархадсан. Азербайжан нь Арменыг их буугаар буудаж дайрсан гэж мэдэгдсэн бол Армен нь Азербайжаныг их бууны дэмжлэгтэйгээр чухал түшиц газрыг эзлэхээр завдсан гэж буруутгасан.