Америкийн Ашвилл хотын удирдлага хар арьстнуудад нөхөн төлбөр өгөхөөр болжээ

Америкийн Умард Каролина мужийн Ашвилл хотын зөвлөл нь нэгэн цагт боолчлол, арьсны өнгөөр ялгаварлан гадуурхахад оролцож байсныхаа төлөө харь арьстнуудад уучлал гуйж, тэдэнд нөхөн төлбөр олгохоор шийдсэн тухай “ABC News” мэдээлж байна.

Нөхөн төлбөр хийх ажлын хүрээнд боолуудын үр хойчид бэлэн мөнгө тараалгүйгээр асуудалтай дүүргүүдэд нэмэлт хөрөнгө оруулалт хийхээр болжээ. Тухайлбал, эрүүл мэнд ба боловсролын салбарын санхүүжилтийг нэмэгдүүлж, хямд дөхөм орон сууц барих ажлыг нэмэгдүүлж, хар арьстнуудад зориулсан нэмэлт ажлын байр бий болгохоор болсон байна.

Ашвилл хот нь 90 мянган хүн амтайгаас 80 хувь нь цагаан арьстнууд байдаг аж.

Үүнээс өмнө ЛосАнжелс хотын мэр ЭрикГарсетти нь хар арьстнууд гол төлөв амьдардаг дүүргүүдийг хөгжүүлэхэд зориулан 150 сая долларыг цагдаагийн газрын төсвөөс суутган авахаар болсон байна. Арьсны өнгөөр ялгаварлах үзлээс үүдэлтэй асуудлыг шийдэхэд шаардлагатай санхүүжилтийг ийм замаар олж авах ёстой гэж хотын удирдлага үзжээ.