О.Батнайрамдал Уул уурхайн дэд сайдаар ажиллана

Уул уурхайн дэд сайд Д.Загджавыг чөлөөлж Засгийн газрын хэрэг эрхлэх газрын дарга Л.Оюун-Эрдэнийн зөвлөхөөр ажиллаж байсан О.Батнайрамдалыг Уул уурхайн дэд сайдаар ажиллуулахаар болжээ.

1984 онд Ховд аймгийн Жаргалант суманд төрсөн. 1998 онд Ховд аймгийн арван жилийн 2 дугаар дунд сургууль, 2001 онд Монгол-Туркийн хамтарсан сургууль, 2004 онд Норвеги Улсын Дэлхийн нэгдсэн коллеж, 2008 онд АНУ-ын Макалестер  коллеж, 2015 онд АНУ-ын Харвард Их сургуулийг тус тус төгссөн. Эдийн засагч мэргэжилтэй. Бизнесийн удирдлагын магистрын зэрэгтэй. 2009-2010 онд Чоно корпорацид хөрөнгө оруулалтын менежер, 2011 онд Прайсватерхауз Күүперс-д санхүү, аудитын консалтант, 2011-2013 онд Ориго партнерс Монголиа-д уул уурхайн хөрөнгө оруулалт хариуцсан дэд ерөнхийлөгч, 2015-2017 онд АНУ-ын Банк оф Америка-ийн Нью-Йорк болон Сиднейн салбарт уул уурхайн  хөрөнгө оруулалтын банкир, 2018 онд Эрдэнэс тавантолгой ХК-д IPO, хувьцаа хариуцсан дэд захирал, 2019 оноос Засгийн газрын Хэрэг эрхлэх газрын даргын зөвлөхөөр ажиллаж байна. Улсад 10 жилажилласан.