Тайваньд зэвсэглэл нийлүүлэхийг зөвшөөрлөө гэж АНУ-д эсэргүүцэл илэрхийлжээ

АНУ-ыг Тайваньд “Patriot PAC-3” агаарын довтолгооноос хамгаалах системээ шинэчлэх тоног төхөөрөмж нийлүүлэхийг зөвшөөрлөө гэж БНХАУ-ын Батлан хамгаалах яам эсэргүүцэл илэрхийлсэн байна.

Хятадын Батлан хамгаалах яам нь АНУ-ыг “Нэг Хятад улс” гэсэн зарчмыг зөрчин, Хятад улсын тусгаар тогтнол, аюулгүй байдалд заналхийлэн дотоод хэрэгт нь хөндлөнгөөс бүдүүлгээр оролцлоо гэж үзсэн байна. Улмаар Тайвань арлыг БНХАУ-аас салгах гэхийг хүлээн зөвшөөрөхгүй бөгөөд Тайваний хоолойд тогтворгүй байдал үүсэхээс зайлсхийхийн тулд зэвсэг нийлүүлэхээ зогсоохыг шаардсан байна. Мөн Тайваньд төр барьж байгаа Ардчилсан хөгжингүй намын удирдлагад хандан арлыг  нэгтгэх нь нийт хятад үндэстний эрх ашигт нийцэж байгаа тул гадаадын хүчнийг тулгуурлан зэвсгийн хүчээр тусгаарлах гэх нь сүйрэлд хүргэнэ гэж анхааруулжээ.

АНУ-ын Төрийн департамент нь Тайваний зэвсэглэлд байгаа “Patriot PAC-3” агаарын довтолгооноос хамгаалах пуужинт системийг шинэчлэхэд шаардлагатай 620 сая долларын тоног төхөөрөмж нийлүүлэхийг энэ сарын 9-нд зөвшөөрсөн юм. Үүний дараагаар БНХАУ нь тоног төхөөрөмжийг үйлдвэрлэдэг “Lockheed Martin” компанийн эсрэг хориг арга хэмжээ авахаа мэдэгдсэн.